ناخذ ثارهم والدنيه كلهه اتشوف
واعلام النصر بسمائهم نرفع
ماننسه ابینایر عالجری والصار
والساعه ومكان ولحظة المصرع
كل احنه ابهدفهم نستمرو انسیر
وکل جیل الیجی الهذا الدرب یتبع
ماضاع ابهدر دمهم روه الاسلام
و زرعه امنالثمر خضّر نِعَم واینع
والویل و مَئآسي القادهه انراویه
والساند لهم لازم ثمن یدفع
وعليهم نرد الصاع ميّت صاع
بسلاح و عقیده و منهج و مدفع
والباطل ندمره و کلمن الوالاه
وانخلی العداله اعله الارض توسع
والظالم نجیبه امچتّف انقاضیهه
وبذله ومهانه للعدل یخضع
فجروا بتّآمر قاسم المهیوب
والحید المهندس للوفه مرجع
خابت کل خططهم شرذمة صهيون
ظنّوا ننسه دمهم والعلم يوگع
کلنه الیوم قاسم صرنه متّحدین
والاف المهندس لیکم الیطلع
ظنّيتوا الدمه المنهم تسایل ضاع
سوّیتوا جرم من کل جرم ابشع
لا والله ونظل کلوکت نطلب ثار
مادام الگلب بصدورنه یقرع
لم وانخه اشکثر ماعندک امنفلول
ماتنفع حِیَل یا کفر من تصنع
بیّنّه الحقایق ماکو شی تخفیه
ننهیهه الفتن کل ماردت تبدع
عاین للدواعش واعتبر بالشام
مو ربعک هذولی الذّبحوا الرضّع
واسم الله ورسوله اعله العلم مکتوب
شتظن ابخداعک هم بعد تخدع
مهزوم ادبرت، وصبحنه منصورین
واتعلّت شمسنه ابکل فخر تسطع
وانقاوم نظل للابد لجل الدین
ارها امنالجبل ما یوم نتضعضع
وبسیرت نبینه المصطفی المختار
متّحدين، كلنه اعله الكفر نفزع
الشاعر مرتضى مقدم نجل الشاعرالمبدع والاستاذ مــرد عبدالحسین مقدم
بدون دیدگاه